Elçin Cəlilov şəhərə çıxaraq yolların müyəssərliyinin monitorinqini edib. Şəhərin küçələrində heç bir kömək olmadan təkərli oturacaq ilə hərəkət etmək çox çətin, bəzi yerlərdə mümkünsüzdür.
Səkilərdə panduslar ya yoxdur, ya da standartlara cavab vermir. Bu zaman ya kömək istəməli, ya da avtomobil yoluna çıxaraq həyatımızı təhlükəyə atmalı oluruq. Keçidlərdəki qurğular da işləmir. Həmin qurğuların illərlə işləmədiyi cavabını alırıq. Bu isə laqeydliyinin nəticəsidir.
O düşünür ki, bunun əsas səbəblərindən biri fiziki məhdudiyyətli şəxslərin cəmiyyətdə az görünməyidir. Əlilliyi olan şəxslər daha aktiv şəkildə cəmiyyətə qoşulub gördüyü bütün problemləri aidiyyəti qurumlara bildirməli, haqlarını tələb etməlidir. Çünki haqq verilmir, haqq alınır.
Elçinin hekayəsini izlə
Biz əlilliyi olan şəxslərin hekayələrini paylaşırıq. Azərbaycanda əlilliyi olan şəxslərin iş bazarında qarşılaşdığı çətinlikləri öyrənmək üçün hazırladığımız siyasət sənədi ilə tanış ola bilərsən.
Comments